GRACE
Nandito siya sa sala kasama si Nadia. Si Ore naman ay naglalaro kasama si Lloyd at Katalina. Mapagkakatiwalaan naman ang bodyguard ni Edric dahil minsan ay nakikita niyang nakikipaglaro ito sa anak niya. Hindi basta-basta lumalapit si Ore sa iba at kapag nagustuhan nito ang isang tao ay magpapahawak ang anak niya. Mapili si Ore sa kung sino ang lalapitan nito.
Napatitig siya kay Nadia na seryosong nakatitig sa kanya at walang nababakasan ngiti sa mga labi nito. Halatang hindi siya welcome sa pakikitungo nito sa kanya. Tahimik lang silang dalawa sa sala at walang balak na magsalita ito.
Humugot siya ng malalim na hininga at nagdesisyon siyang magsalita. Halatang ayaw siya nitong kakausapin, pero kailangan niyang humingi ng kapatawaran dito.
“Nadia, alam kong malaki ang galit mo sa
