NATHANIEL
Nakatukod ang kanyang siko sa railings at malayang nakatitig sa ibaba kung saan ang dalagang abala sa trabaho nito. May bitbit itong order ng customer. Hindi siya makapaniwala na tumanggi ito sa kanyang offer. Ang akala niya’y masisilaw ito sa pera at papayag sa kanyang alok na maging bedmate, pero sa kasamaang palad ay sinampal siya nito. May masama ba roon? Malaking pera ang kanyang inalok dito. Sinong tao tumanggi sa malaking halaga? Pag-aaralin pa niya ito kung hindi ito nakapagtapos ng pag-aaral at higit sa lahat ay ibibigay niya kung ano ang gusto nito. Itinungga na lamang niya ang alak na nasa kamay niya. Ang gusto lamang niya ay maibaling sa iba ang problema. Problema niya sa asawa na nagtaksil sa kanya. Gusto niyang ibaling ang lahat ng hinanakit niya sa iba at ito lang
