NATHANIEL
Nakapamulsa siyang napatitig sa labas kung saan nakikita niya ang naglalakihang mga gusali. Nandito siya sa kanyang opisina dahil marami siyang tambak na trabaho na kailangang tapusin. Hindi sana siya papasok at sa bahay sana siya magtatrabaho ay biglang tumawag sa kanya ang kanyang sekretarya na kailangan na niyang pumasok dahil may meeting sila sa client niya na si Mr. Edric Valmorida. Galing pa itong Spain at gusto nitong sila ang magdesinyo sa ipapagawa nitong gusali. Hindi naman siya makatanggi dahil malaking pera ang nakasalalay dito. Sila ang pinili ng isang kilalang clothing line sa Spain at hindi niya pwedeng sayangin ang tiyansa. Gusto niya pang mas kilala ang kanilang kompanya. Sino bang tatanggi kung taga ibang bansa na ang kumuha sa kanila para magdesinyo sa itatayo
