Naparami ang inom ni Franz sa bahay ni Gabriel kaya naman doon na rin siya nakatulog. Alas singko ng umaga na siya nagising at nakaalis doon. Mabuti na nga lang at walang traffic sa ganoong oras at saka nasa twenty minutes lang naman ang byahe mula roon hanggang sa apartment na tinutuluyan nila kaya may oras pa siya para makagayak at nang hindi mahuli sa trabaho.
Nang makita ang sasakyan ng mga manugang sa may parking area ng apartment ay agad na nakaramdam ng kaba si Franz. Baka kasi kung ano na ang iniisip ng mga ito o baka kung ano na ang sinabi ni Joymi dahil nga hindi siya nakauwi.
Dahan-dahang binuksan niya ang pintuan upang hindi masyadong makagawa ng ingay, ngunit ng lumingon siya sa gawi ng kusina matapos makapasok ay tama ang hinala niya, naroon na nga si Joymi at naghahanda ng
