"Good Morning, Daddy!" sabay na bati ng dalawang bata nang makapasok si Franz sa kusina. Magmula nang magsimula ang klase ay madalas niya ng makasabay sa agahan ang mga ito.
"Good Morning!" ganting bati niya naman sa mga anak at saka hinalikan ang mga ito sa ulo bago umupo sa bakanteng upuan sa tabi ni Aeriya. Si Eros naman ay nasa harapan niya at katabi ni Joymi na ngayon ay abala naman sa paglalagay ng pagkain sa pinggan ni Eros.
"Ako na," presinta niya naman nang akmang tatayo si Joymi para asikasuhin naman sana ang pagkain ni Aeriya. Tahimik na tumango na lang naman ito bilang tugon bago muling itinuon ang atensyon sa bunsong anak.
"Kamusta naman sa school? Masaya ba?" tanong ni Franz kay Aeriya habang nilalagyan ng pagkain ang pinggan nito.
"Yes, Daddy. Marami na po akong friends
