"Ano ba ang bumabagabag saiyo at parang dalawampung beses ka na yatang bumuntong hininga riyan, Boss?" nakangiwing tanong ni Gabriel kay Franz.
Naroon kasi sa accounting department ngayon ang mga internal auditor dahil nga huling linggo na naman ng buwan kaya naman kailangan ng ma-audit ang mga reports na hawak ng mga ito. Pagkatapos kasi ng nangyaring problema na iniwan ng dating manager ay mas naghigpit ang Chairman kaya ginawa nitong monthly ang auditing instead of quarterly.
"Wala naman."
"Nakausap ko kahapon si Joymi," Napalingon si Franz kay Gabriel dahil sa tinuran nito. "At mukhang sagad na sagad na nga siya. She looks soft but the way na sumagot siya sa tanong ko kahapon ay para bang mas pipiliin niya pang tumalon sa bangin kaysa makipag balikan sa'yo," sambit pa nito habang na
