Nag-iisip si Althea kung paano siya magbubukas ng topic tungkol kay Jenan kaya't sinabi na lamang niya ang unang sumagi sa isip niya. "Hindi mo sinabi sakin na maganda pala siya."
"Sino, si Jenan?" untag ni Jazz. "Maganda nga siya. Akala ko nga noong una na marami kayong magkapareho."
Sinulyapan niya ang rearview mirror kung saan nakasunod lang ang sasakyang SUV nina Jenan kay Mariposa.
"No. I mean, she's gorgeous. Palagi lang kasi si Lander at yong asawa nito ang kinukwento mo sakin. Ni hindi mo nga palaging binabanggit si Jenan. Ang alam ko lang na injured siya at nagpapagaling pa siya. Pero hindi naman siya mukhang injured para sakin."
"Magaling kasi magtago ng nararamdaman iyang si Jenan. Wala rin kasi akong nabalitaang lovelife nito kaya hindi ko siya masyadong naikwento sayo. Hi
