Isang linggo na rin ang nakalilipas mula nang mamatay si Bisky dahil sa hindi inaasahang pangyayari. Sa isiping 'yon mas lalong kinakain ng konsensya si Silver kapag nakikita niya ang anak na palaging umiiyak. Dahil hanggang ngayon ay hindi pa rin siya pinapansin ng anak niya kahit na sa bahay na niya ulit ito nakatira. Laking pasasalamat na lamang niya na pumayag ang kaniyang ina na sa kaniya na muli manirahan ang anak niya. Ngunit kahit na ganoon ang nangyari tila ba malaki na ang pinagbago ng batang si Berry. Kung dati ay palagi itong nakangiti ngayon naman ay bihira na itong ngumiti.
"Baby, galit ka pa rin ba kay Daddy?"
Kagaya nang dati wala pa ring natanggap na sagot si Silver mula sa anak niya. Tila ba kaunting-kaunti na lamang ay mauubos na ang pasensiya niya. Sa halip na magalit
