- RITA -
Masaya at maganda ang gising ko ngayon. Ewan ko. Hindi ko maipaliwanag. Siguro ay dahil sa kakambal ko na si Marifaye. Medyo nakakagulat ang paghingi niya ng tawad kagabi. Hindi ko talaga inaaasahan na masasabi niya ang "Sorry" sa akin. Ang kakambal ko na may kataasan din ang pride. Marahil ay sinaniban siya ng angel kaya naman kahit nahihiya at hindi makatingin ng diretso sa akin ay mabilis siyang nag sorry. Tinugon ko naman ng mahigpit na yakap ang pag-sorry niya. At kahit walang salitang namutawi sa labi ko ay alam niyang pinatawad ko na siya.
Oo. Napatawad ko na siya sa kung ano man ang naging isyu na sinabi ni Gelo kahapon. Wala na sa akin iyon. Ang importante ay nagkaayos kami ng kakambal ko.
Talagang maaliwalas ang gising ko. Sarap-sarap pa ng tulog ko dahil sa simoy ng
