Lucio’s POV
Pagbalik namin ni Lola Igna sa farm ay nakatanim na agad ang mga napamili naming mga gulay. Ang bibilis ng sampung tauhan namin. Sila ‘yung mga gagawin kong security guard dito. At dahil hindi pa naman sila magbabantay pa ngayong maliwanag pa, sila na rin muna ang inutusan kong magtanim. May mga experience na rin naman sila sa pagtatanim.
Ang akala ko nga ay makakatulong pa ako sa pagtatanim, ‘yun pala pag-uwi namin, okay na ang lahat. Sa ngayon, tumulong na lang ako sa kanila sa pagkakabit ng green net. Hindi pa kasi puwedeng maarawan ng sobrang init ang mga bagong tanim at masusunog ang mga ito. Mababalewala lang ang paghihirap namin.
“Boys, mag-juice muna kayo,” sigaw ni Lola Igna habang dala-dala rito sa may tambayan namin ang dalawang pitcher ng juice. Napangiti ako nan
