Lucio’s POV
Pagdating ko sa mansiyon ng pamilyang Ivy ay nadatnan kong umiiyak si Kathleen habang pasakay na sa isang sasakyan. Nasa labas din sina Don Simon, Donya Kyla at ganoon din si Kate. Mga seryoso ang mukha nila pero nang kumaway si Kathleen ay nakita kong nalungkot ang mga mukha nila, puwera na lang kay Don Simon na tila galit talaga sa anak niya.
Doon ko lang naalala ang napanuod kong video ni Kathleen sa social media. Mukhang sa nangyayari ngayon ay parang magtatago muna ito hanggang sa humupa ang issue. Sa totoo lang, napaka-wild niya sa video na ‘yun. Kung titignan, para sa kanilang mamayamang pamilya, sobrang nakakahiya ito para sa mga magulang nila. Kaya alam ko ang nararamdaman ngayon ni Don Simon. Tiyak na nahihiya siya ngayon sa mga kaibigan niya. Trending kasi ang vide
