Skyla’s POV
“Hayop ka, anong ginawa mo kay Papa?”
Umagang-umaga, napangiti ako bigla sa reply ni Ate Kate. Sinasabi ko na nga ba’t pagdating sa pamilya niya, hindi puwede ‘di siya magre-react. Tinawagan ko siya pero ayaw niyang sumagot. Ilang beses kong sinubukang tumawag pero pinapatay niya at sa huli, tuluyan na rin niyang pinatay ang linya niya dahil alam niyang ipapa-trace ko kung nasaan siya. Malas lang dahil hindi siya agad na-trace.
“Sasaktan ko sila nang sasaktan hangga’t hindi ka nagpapakita sa akin,” reply ko naman agad sa kaniya. Sigurado akong mababasa niya ang reply ko sa oras na buksan niya ulit ang telepono niya.
Dito ako natulog sa hide out ko dahil napasarap ang kuwentuhan namin ni Suzana habang umiinom ng wine. Masakit tuloy ang ulo ko paggising ko ngayon. Nadatnan ko
