NAALIMPUNGATAN si Monday at nang magising siya ay mahimbing na natutulog si Calton sa tabi niya. Marahan siyang bumangon para hindi ito magising. Napangiwi siya nang biglang kumirot ang balakang niya. Paano ba namang hindi sasakit kung halos isang araw siyang paulit-ulit na inaangkin ni Calton.
Kagat ang ibabang labi na umalis siya sa kama at dumiretso sa may balkonahe. Napapikit siya nang makasinghot siya ng sariwang hangin at marahas na nagbuntong-hininga.
Kailangan makaisip siya ng paraan kung paano niya magagawang patayin si Calton. Hindi niya magagawa 'yun dito dahil masyadong mahigpit ang seguridad at siya agad ang sisisihin kapag nangyari 'yun.
Pero gusto niya muna malaman kung ano ang dahilan kung bakit ganu'n na lang kainteresado sa kanya ang binata. Naniniwala siyang kilalang
