Chapter 39: Araw ng Paligsahan
HINDI na alam ni Margaux kung saan ibabaling ang sobrang sama ng kanyang loob dahil sa ginawa ni Lumino kay Teejay at Angus. Bampira si Lumino kung kaya't madali nitong mahahabol ang kapatid at si Angus. Dala ng kanyang pagdadalamhati ay hindi kumakain si Margaux. Hindi niya masikmura ang mga ibinibigay na pagkain sa kanya ni Drake at sa mga inuutusan nito. Wala siyang gana at lakas ng loob upang gumalaw o ngumuya man lang.
"Conal," mangiyak-ngiyak na wika ni Margaux habang nakatingin sa kawalan. Hindi abot ng sinag ng araw ang kanyang kulungan bagkus ay tanging sinag ng bombilya ang nagbibigay liwanag sa buong silid.
May naririnig na yabag ng mga paa si Margaux. Ngunit hindi niya iyon alintana.
"Sinabi ng mga nagbabantay sa saiyo ay hindi ka raw kumaka
