Chapter 32: Baguhin ang Propesiya
MATAPOS makausap si Lumino ay sabay na bumalik ng bahay si Conal at ang kinilalang ina na si Amanda. Nandoon pa rin ang dalawa niyang kapatid. Nakatunganga lang ang mga ito at tila hindi pa natatanggap ang nangyari. Ramdam na ramdam ni Conal sa puso ng dalawang kapatid ang galit.
“Ipaghihiganti ko si Kuya Raxos. Balang araw ay babalik ako sa mundong iyon. Hindi ko hahayaang maging ganoon nalang ang lahat,” aniya sa dalawang kapatid.
“Sana nga Conal ay magawa mong maipaghiganti si Raxos, na sa’yong mga kamay ang magaganap sa mundo ng mga bampira. Ikaw ang bukod tanging magpapabago sa propesiya,” wika ni Luna.
Hindi alam ni Conal kung paano niya ba babaguhin ang propesiya. Wala siyang kaalam-alam sa ganoong bagay.
“Ikaw mismo Conal. Ikaw ang may kakaya
