Isang umaga, nagising si Natalie na masakit ang ulo. Pakiramdam niya’y hilo siya at parang balisa. Pagkatayo niya, agad niyang nasapo ang bibig dahil naduduwal siya. Wala pa siyang kinakain, pero halos mailabas niya ang laman ng kanyang tiyan. Bumalik siya sa kama, inisip na baka nabigla lang siya ng tayo. Nakaidlip siya sandali, ngunit maya-maya’y napilitan siyang tumakbo muli sa banyo dahil naduduwal na naman siya.
Biglang kinabahan si Natalie. Sinubukan niyang alalahanin kung kailan ang huling beses niyang nagkaroon ng regla.
“Hindi!” Napamulagat siya. “Delayed na ako ng tatlong linggo!” Unti-unting lumaganap ang takot sa kanyang dibdib. “Paano kung buntis ako?”
Hindi na siya mapakali, kaya kinalma niya ang sarili, naligo, at nagbihis. Hindi muna niya sinuot ang kanyang uniporme sa t
