MAGANDA ANG ngiti ni Aliyah nang makita niyang lumabas ng fitting room si Celestine. Suot nito ang damit na siya mismo ang nagdisenyo at nanahi. Gusto niyang maluha dahil pakiramdam niya ay worth it lahat ng pagod, puyat at effort na binuhos dito.
"How is it?" tanong ni Celestine.
Tumayo siya sa harapan nito saka ito pinaikot. "Hindi ko akalain na babagay talaga sa iyo ang gawa kong dress." Napahawak si Aliyah sa mga pisngi. Hindi talaga siya makapaniwala.
"Sus. Bakit hindi ka naman makapaniwala, e ang galing mo nga. Napulido mo agad tapos parang professional ka na sa pagiging fashion designer," ani Lavi na nakatayo sa pinto ng boutique na isang linggo pa lang nabubuksan. Business partner sila nito na parehas nagpapatakbo sa ACL Boutique.
Napagpasyahan ni Aliyah na magpalit ng kurso up
