NANG MAKARATING sina Celestine sa presinto ay naunang pumasok ang daddy niya at may kinausap agad ito roon. Samantalang siya ay kaagad na hinanap ng mga mata ang lalaking sumagasa sa kaniyang nobya. Namataan niya si Lavi na may suot na shade. Pumasok din sa loob ng presinto at may kasunod na dalawang bodyguard at isang lalaking may dalang attach case. Mukhang ito ang sinasabi nitong abugado na isasama nga ng kaibigan.
Maraming tao sa loob ng presinto. Lahat at abala sa pakikipag-usap sa mga sibilyan na mukhang may nirereklamo rin.
Naikuyom ni Celestine ang mga kamao nang walang Felix siyang matanaw doon. Umigting ang panga niya sa galit. Hahakbang sana siya nang maramdaman ang kamay ng ama niya sa kaniyang balikat.
"Anak, follow me," anito saka nagpatiuna sa pagsunod sa pulis na kausap
