NAGPAHATID LANG muna si Aliyah kay Celestine nang hapon na iyon sa kaniyang bahay. Gusto pa nito manatili nang ilang sandali ngunit tumanggi siya.
"Kaya ko naman mag-stay dito nang ako lang. Matutulog lang din ako. Maiinip ka lang," aniya. Hindi naman sa ayaw niya itong makasama. Gusto lang muna niya talaga mapag-isa at mag-isip-isip.
"Pwede ko naman tawagan si mama na dito na lang muna ako matulog ngayon, e. Kilala mo naman iyon. Papayag iyon."
"Alam ko pero, Tine kailangan mo pa rin na umuwi at matulog sa inyo kung ayaw mo na mabuko tayo." Isang makahulugang tingin ang binigay niya rito.
Tila nakuha naman nito agad ang punto niya kaya naman tumango ito. "Tatawagan kita from time to time."
"Sige." Hinatid niya ito hanggang gate at tinanaw hanggang sa makaalis ito ng sa kanila.
Isan
