“HELLO?”
Napahawak ako sa aking dibdib nang sandaling marinig ko ang boses mula sa kabilang linya. Parang bagong gising lang ito base sa tono ng kaniyang boses na medyo paos. Ngunit sa kabila ng tila paos na boses na iyon ay mauulinigan ang pagiging malambing nito. Parang napakahinhin na salungat sa kaniyang makating personalidad.
Nanginginig ang mga kalamnan ko sa kasalukuyan dahilan para ako ay biglang matuod sa aking kinauupuan. Tila bumara ang maraming bato sa aking lalamunan kaya hindi agad ako nakapagsalita. Ilang beses akong lumunok nang mariin bago ibinuka ang aking bibig para magsalita.
“S-Sino ka at ano ka sa buhay ng a-asawa ko?” pautal-utal kong tanong. Napakatanga lang ng tanong ko dahil alam ko na ngang babae siya ni Joaquin pero tinanong ko pa rin kung sino siya sa buhay
