“SECRET agent ka ba o imbestigador? O baka naman miyembro ka ng budol-budol gang? Ngayon pa lang sinasabi ko na sa iyo, wala kang mahihita sa akin dahil wala akong milyones sa bangko. Milyones na problema ang marami. Kung gusto mo iyo na lang,” wika ko sa kaniya nang makatayo ako.
Bahagya ko pang inayos ang damit ko dahil nakusot ito dala ng pag-upo ko para pulutin ang nalaglag na paper bag sa sahig.
Nakita ko ang pagkunot ng noo nito ngunit kalaunan ay bigla ring nanumbalik ang ngiti sa mga labi niya. Labas ang mga pantay-pantay at mapuputi niyang ngipin na kasing perpekto ng mga pustisong naka-display sa mga dental clinic.
Hindi kaya dentista ang trabaho ng lalaking ‘to? anas ko sa aking aking sarili habang hindi tinatanggal ang tingin sa kaniya.
Pinagkrus pa nito ang mga kamay sa
