Tumayo si Ysabelle upang magbanyo dahil masama ang pakiramdam nito dahil sa dami nitong kinain. Nakita naman iyon ni Davis kaya nagpaalam muna siya sa magulang niya na magbabanyo lang ito habang si Charisse naman ay kumakain pa din dahil sa mabagal itong kumain.
Hindi napansin ni Ysabelle na nakasunod lang sa kaniya si Davis. Papasok pa lamang si Ysabelle sa ladies room ng hilahin siya ni Davis at nagpatangay naman si Ysabelle nang makita niyang si Davis ang humila sa kaniya.
"Anong ginagawa mo sir Davis?" Biglang tanong ni Ysabelle.
"Please stop calling me sir, Davis na lang," pagdidiin niya sa pangalan niya. Malalaking hakbang ang paglakad ni Davis samantalang si Ysabelle ay napapatakbo na lang na nakasunod sa kaniya at dinala na lang sa may exit sa may likurang bahagi ng restaurant.
