Shine’s POV
“Here po, manong. Thank you, po,” nag-abot ako ng dalawang libo kay manong driver at bumaba ng taxi. May sinabi siya ngunit ‘di ko na narinig. Agad na sumalubong sa balat ko ang lamig ng hangin paglabas ko ng taxi, malalim na kasi ang gabi, wala na ring masyadong tao sa park.
Lumapit ako sa malaking puno sa gilid ng waiting shed, bahagya kong tinago ang sarili upang ‘di agad makita sakaling umabot dito sina Daddy sa paghahanap sa ‘kin. Tiyak alam na nilang nakatakas na ‘ko. Sana lang talaga ay unang dumating si Gavin bago pa man ako makita nina Daddy.
Yakap-yakap ko ang sarili, kinakabahan ako, una ang makita ni Daddy, pangalawa baka may mga masamang taong madaanan ako. Lihim na lamang akong nagdasal habang hinihintay ang pagdating niya.
Ganun na lamang ang relief ko kas
