Nala POV
"CONDOLENCE po Ma'am Nala."
Nilingon ko si Kuya Ron at tipid na nginitian. Bakas din ang lungkot sa kanyang mukha.
"Salamat sa pagpunta Kuya Ron. Alam kong busy ka sa bagong trabaho mo. Pero nakuha mo pang dumalaw dito sa burol ni daddy."
Umupo sa tabi ko si Kuya Ron. "Syempre naman po ma'am. Matagal rin po akong nanilbihan kay Ser Diosdado. Hindi na rin po sya iba sa akin. Kahit minsan masungit sya, mabuting amo din po sya at hindi madamot. Madali po syang lapitan."
Napangiti ako sa sinabi ni Kuya Ron kasabay ng pagtulo ng luha ko. Masarap sa pakiramdam na makarinig ng magagandang salita para kay daddy. Hindi naman talaga perpektong tao si daddy. May mga mali syang ginawa pero marami din syang mabuting ginawa.
Pangalawang gabi na ng lamay ni daddy at bukas ang huling ga
