Nala POV
NAGPUPUMIGLAS pa rin ako sa hawak ng dalawang lalaki ng ipasok nila ako sa isang silid. Dinala nila ako sa itim na couch at pinaupo roon saka ako binitawan. Pinahid ko ang luha sa aking pisngi at nilibot ang mata sa paligid. Malawak ang silid na punong puno ng mga libro. Ang sahig ay nalalatagan ng makapal na alpombra. Sa harapan ko ay may makapal na mahogany table at sa likod noon ay isang makapal din na swivel chair. Isang library office ang silid. Naalala ko ang library office ni daddy sa dati naming bahay. Mas malaki nga lang ito ng dalawang beses at napakalamig ng buga ng aircon. Kaya naman lalong nanginig ang aking katawan. Nakadagdag lang ang malamig na buga ng aircon sa takot at kaba na nararamdaman ko.
Lumunok ako habang pini-piga piga ko ang mga daliri ko. Parang aatak
