Kanina pa pinagmamasdan ni Jones, si Avria. Nakaupo ito sa dalampasigan na nakatingin sa malayo habang siya naman ay nakaupo sa pabilog na upuan na nasa may balcony.
Nang isang araw pa sila dumating ng Pilipinas. Pagkalapag nila sa airport ay buong akala niya didiretso sila ni Avria sa hospital para tignan si Kuya Adam nito ngunit hindi nito ginawa. At nang pinakiusapan siya ni Avria sa kanilang bahay bakasyunan sa Sipalay sila pumunta ay hindi siya makapaniwala.
Halatang malungkot ito, at ayaw pag-usapan ang mga pangyayari. Na kahit nais niya mang magtanong ay pinigilan niya ang kanyang saliri. Naisip niya kasi na maaring maraming gumugulo sa isip ng dalaga, at ayaw niyang pilitin ito.
Hihintayin niya na lang na ang dalaga na mismo ang magsalita, at ipagtapat kung ano man ang nasa is
