Kaagad na pumasok si Kent na tuwang tuwa sa apartment na kinuha ni Don Juancho para sa kanya.
“Yun oh! Ganda! The best talaga si Tatang!” saad ni Kent.
“Ano? Ayos na ba yan? Pinapatanong ni daddy,” saad ni Kevin, hindi niya alam kung anong trip nito dahil mukhang kanina pa ito naiinis ngunit walang magawa.
“Oo Vin, ayos na ‘to pakisabi kay Tatang, salamat!” saad niya kay Kevin ngunit nilapitan siya ni Kevin.
“You better finish your task as soon as possible, or I will be the one to kill you,” pagbabanta ni Kevin at saka umalis.
Una pa lang ay alam niya ng hindi siya gusto ni Kevin, lalong lalo na ang pagiging close niya kay Don Juancho ngunit wala siyang magagawa doon dahil paborito siya ng matanda at marahil ay naiinis na ito sa kanya dahil siya lamang ang laging pinapaboran ni D
