YELENA P.O.V
Ang lamig ng hangin sa umaga ay tila nagtatampisaw sa bawat hibla ng aking buhok habang naglalakad ako sa ilalim ng mga puno. Autumn na naman dito sa New York. Ang bawat dahon ng mga puno ay nag-iiba ng kulay—mula sa luntian, naging dilaw, kahel, at pula. Sa ilalim ng mga ito, nagkalat ang mga nalalaglag na dahon, at sa bawat hakbang ko, maririnig ang pamilyar na tunog ng mga tuyong dahon na nadudurog sa ilalim ng aking sapatos. Ito ang isa sa mga paborito kong panahon dito sa New York—ang tahimik at malamig na pagdating ng tag-lagas.
Habang naglalakad ako, napansin ko ang ilang magkasintahan na magkahawak-kamay, tahimik na nag-uusap at minsan ay tumatawa. They seem so happy, so in love, and it makes me smile a little. Iba ang saya ng makitang masaya ang iba, pero hindi ko r
