DELTA:
TAHIMIK akong nandidito sa balkonahe ng silid namin ni Yumi. Nakatanaw sa ibaba kung saan nakikita mula dito sa pwesto ko ang mga nagkalat kong tauhan sa ibaba na nagbabantay. Malalim na rin ang gabi at nahihimbing na si Yumi katabi ang anak namin.
Napapahithit ako sa sigarilyo ko na napapaisip sa sinaad ni Yumi kanina. Kilala ko si Elton. Matagal na. Ni sa panaginip ay hindi ko naisip na magagawa niyang traydorin ako. Kaya nga siya ang ginawa kong kanang kamay ko dahil malaki ang tiwala ko sa kanya.
Pero kabisado ko rin si Yumi. Hindi naman nito ugaling manira. At nakikita ko sa mga mata niya ang takot at pangamba habang nagtatapat siya sa akin ng mga narinig sa usapan ni Elton. . . at ni Garret Barker sa cellphone.
Nilalaro-laro kong binubuga ang usok ng sigarilyo ko habang n
