CHAPTER SIXTY NINE
Maagang nagising si Jasmin kinabukasan. Namiss niya ang umaga sa probinsiya. Ang simoy ng hangin dito ay malayong malayo sa Maynila. Masarap magkape sa may balkonahe ng kanilang lumang bahay habang tinatanaw ang mga tanim na halaman ng kanyang mama. Nagluluto pa lang ang mama niya ng agahan nang pumasok siya sa kusina. Tumanggi na ito nang mag-alok siya ng tulong at sinabing i-enjoy na lang ang kanyang bakasyon. Nagtimpla na lang siya ng kape at tulad ng plano niya ay sa balkonahe niya iyon ininom. Ang sarap talagang tignan ng mga halaman ng mama niya. Mahilig din siya sa mga ito ngunit bukod sa wala siyang oras para alagaan ang mga ito ay wala ring space sa inuupahang apartment. Kaya masaya siya kapag nauuwi siya sa kanila. Iba pa rin talaga sa probinsiya. Habang nagkakape siya ay may i
- Writer
