LIMANG BUWAN na ang lumipas, pero nasa kulungan pa rin si Cadmon naiinip na siya. Gustong-gusto na nitong makalabas, sinabi ni Pablo na makakalaya na ang binata pero hindi niya sinabi kung kailan.
“Montaverde, laya ka na!” Sigaw ni Pablo mula sa labas ng kanyang selda, napabalikwas siya ng bangon dahil sa narinig.
“Lumabas kana dyan! Paparating na ang mga kaibigan mo para sunduin ka!” Muling sigaw ni Pablo, lumakad na palabas si Cadmon seryoso lang siyang nakatingin sa Pulis.
“Anong balita kay Paxton?” Tanong niya dito, nagkibit balikat lang si Pablo hindi niya pwedeng sabihin sa binata na hindi pa nila nahahanap si Paxton.
"Wag mo nang problemahin si Paxton, ako na ang bahala sa kanya ngayon, isipin mo kung paano ka babangon. Magbagong buhay ka, Montaverde!" Seryosong sagot nito s
