NAKANGISING si Cadmon habang nakaupo, dahil umaayon na ang lahat ng kanyang plano. Isa-isa ng natutumba ang mga taong dapat n’yang patahimikin. Lalong-lalo na ang kumpanya ni Paxton, unti-unti ng lumulubog dahil umaalis na ang ibang shareholders nila. Ayaw nilang madamay sa kaguluhang nangyayari.
Pati na rin ang traydor sa kanilang kumpanya at sa mga Fontabella, hindi na n’ya pinalagpas pa dahil kailangan n’yang putulin ang mga buntot nila para hindi humaba pa.
"Ano kaya ang pakiramdam ng hindi mo alam kung sino ang 'yong kalaban, sana nakakatulog ka pa ng mahimbing Paxton!" Malamig n'yang sabi habang nakatingin sa bote ng beer na hawak n'ya.
Kinalumutan na n'ya ang kanyang mga kaibigan, kahit na dinadalaw s'ya nina Edweena at Keziah. Hindi na n'ya sinasabi sa kanila ang kanyang plano,
