FELICITY'S POV
"Felicity, hija, pwede ba kitang makausap?" ani Manang Celia habang nilalaro si Axel.
Narito kami sa garden ngayon at nagmemeryenda. Hinihintay ko rin ang pagdating ni Robi pero nagtext siya sa akin na baka sa hapon na siya makapunta. May ipinapagawa daw kasi sa kanya ang daddy niya.
"Bakit po, Manang Celia? May problema po ba?" umayos ako ng pwesto at humarap ako ng diretso sa kanya.
"Napapansin ko na palagi kayong nag-aaway ni Maxx. Hindi naman sa nakikialam ako sa inyo pero alam mo ba ang pinagdaanan ni Maxx nung umalis ka?" napakunot naman ang noo ko sa sinabi ni Manang Celia.
"Bakit po? Ano po bang nangyari kay Maxx?"
"Aba e muntik na yang mamatay dahil naglaslas ng pulsuhan. Mabuti nga at nakita agad ng mommy mo. Doon na ako nagtaka kung bakit ganun na lang a
