FELICITY'S POV
Nagising ako na parang minamartilyo ang ulo ko. Pagbangon ko ay napahawak ako sa aking sintido dahil pakiramdam ko ay tumitibok pa ito. Ramdam kong narito pa rin ang espiritu ng alak sa katawan ko.
Pinilit kong tumayo upang makapunta sa banyo. Pagpasok ko ay binuhay ko na agad ang shower at tumapat na agad ako rito.
Medyo guminhawa ang pakiramdam ko. I feel refresh kaya naman nanatili ako sa ganitong posisyon. Sandali kong iminulat ang aking mga mata. Pinagmasdan ko ang aking sarili sa malaking salamin na nakatapat sa shower.
"s**t! Bakit iba na ang damit ko?" naisatinig ko. Pumikit ako at inalalang mabuti ang nangyari kagabi pero wala talaga akong maalala maliban lang sa panaginip ko!
Hindi kaya si Maxx ang nagpalit ng damit ko?
Malilintikan talaga siya sa akin!
