CHAPTER 23
ZHENNAIRE POV
Hindi ko alam kung paano ko mailalarawan ang saya sa araw na ‘to.
Para bang lahat ng mabibigat kong pinasan noon ay unti-unting natutunaw.
Lahat ng takot, pagdududa, at pag-iwas napalitan ng kakaibang kapanatagan.
At ang dahilan?
Simple lang.
May ngiti sa labi ng anak ko, at may lalaki sa tabi ko na tinatawag na ngayon ni Celestina na… Daddy.
“Mommy!!!” sigaw ni Celestina mula sa kwarto niya. “Ang aga ni Daddy Best friend ah! Nakapolo pa, oh! Parang pupunta sa kasal!”
Napatawa ako habang nag-aayos ng almusal. “Anak, huwag mong asarin si Daddy mo, baka kabahan ‘yan.”
Lumabas ako sa sala, at doon ko siya nakita. Si Engr. Jitsu nakatayo sa harap ng pinto, may dalang box ng donuts, at suot ang paborito kong kulay na asul.
Simple lang siya pero nakakaangat. A
