Nagising si Agatha dahil sa isang tawag, alas dos pa lang ng madaling araw. Hindi na tinignan ng dalaga kung sino yung tumatawag dahil inaantok pa siya.
"Hello, anak nasaan ka?" Umiiyak na tanong ng kanyang ina.
"Nandito sa condo, bakit?" Mataray niyang tanong dahil naistorbo ang kanyang tulog.
"Inatake sa puso ang iyong ama dahil sa masamang balitang natanggap niya. Yung kumpanya natin Agatha nasunog." Humagulgol ng iyak ang ginang, hindi naman nakapagsalita si Agatha dahil sa kanyang nalaman. Naguunahan ng pumatak ang luha niya, dahil lahat ng kanyang pagod ay nauwi lang lahat sa abo.
Napasigaw siya dahil sa halo-halong emosyon, kaya pala iba na ang pakiramdam niya kagabi dahil may ganitong mangyayari. Nagulat naman si Jerome dahil sa pagsigaw ng dalaga. Gulat na gulat siyang lumapit
