Lian's POV
Gusto ko mang matuwa at magdiwang dahil sa sinabi ni Ms. Lee ay hindi ko magawa. Nakaramdam ako lalo ng bigat sa loob ko. Alam kong galit pa rin talaga siya sa akin. At alam kong labag sa kalooban niya ang ipinagagawa sa kanya ni Ms. Lee.
Ang isipin ko pa lang na makakasama ko nga siyang muli ngunit araw-araw naman niya akong kamumuhian, ay para bang paulit-ulit na sumasaksak sa puso ko.
Pagkatapos kaming kausapin ni Ms. Lee ay kapwa walang imik kaming lumabas ng office nito. Susubukan ko sana siyang kausapin, kaya lang ay nauna na itong umalis sa akin at sumakay ng elevator.
Nagpakawala ako ng mabigat na paghinga. Ang sakit. Ang sakit makita sa reaksyon ng mukha niya na kinamumuhian niya ako. Ang sakit maramdaman na kahit anong gawin mo, wala siyang pakialam sa'yo. Napakasa
