Chapter Seventy Nine
Benjamin’s POV
Nang makababa ako ay hindi pa din daw nakababa si Celeste. Tumulong na lang muna ako sa pag-aayos ng mga upuan at pagkain sa labas.
Nang maayos na ang lahat at inaantay na lang ang iba pang pagkain ay lumapit ako kay Mary na nag-aayos ng plato sa mesa. Tumayo ako sa tabi niya. “Wala pa ba si Celeste? Hindi pa nakababa?” dire-diretsong tanong ko.
Nabitawan naman ni Mary ang basong hawak niya kaya tumunog iyon. Napatingin ang ibang mga naroon na nag-aantay na din ng pagkain.
“Jusko naman, Sir!” reklamo ni Mary habang nakahawak sa dibdib niya. Napapikit talaga siya. “Lumayo ka po ng konti. Baka makita ka ni Ma’am Celie. Magalit pa sa akin ‘yon,” aniya kaya napaatras ako ng konti. “Very good,” sabi ni Mary nang makita ang ginawa ko.
