Chapter Sixty
Naalala ko iyong araw na ginusto niyang lumabas. Hindi ako pumayag noon. Nagalit siya sa akin. Hindi ko alam kung nagalit talaga o nagdamdam lang. Aalis pa kasi siya sana noon nang hindi magpapaalam sa akin. Sina Jun at Arman pa ang gugustuhing kasama. Halatang iwas na iwas talaga.
She even asked me not to tell her Dad. Hindi naman daw noon malalaman. Paanong hindi when I am reporting to him every night. SOP niya ‘yon.
"Pero wala naman akong ginagawa dito!" sigaw niya nang hindi talaga ako nagpapatinag. Frustrated na frustrated na siya sa akin.
"Do something productive. Hindi mo naman kailangang lumabas para lang may magawa. Learn to do household chores. Learn how to cook. You'll need that in the future," sabi ko sa kaniya bago ako tumalikod at lumabas na.
