"Shoot! Shoot! Shoot!" Inis na inis na sambit niya habang napapahampas pa sa manibela. Pagkakita niya na bumaba ng sasakyan ang lalaki ay saka pa lang niya pinaandar ang sasakyan palapit sa kanilang bahay. Nang nasa tapat na siya ng bahay ay saka siya bumaba at galit na galit.
"What the hell, Rick! Are you trying to kill me? Huh? Ikaw pala ang sumusunod sa akin kanina pa. Tinakot mo 'ko. Paano kung nabangga ako ha?!" salubong ang kilay na sabi nito sa binata.
"Kaya nga hinayaan na kita nang nakita kong mabilis na ang pagpapatakbo mo." malungkot na sabi ng binata. Mukhang wala itong tulog at sobrang lungkot ng hitsura.
"Sorry... Alam ko naman na kapag nilapitan kita lalo na kanina ay ipagtatabuyan mo ‘ko." sabi pa nito sa dalaga.
"Ano bang kailangan mo? Late na. Umuwi ka na. Akala ko ba
