Maaga rin na nagising si Brenda dahil palagi niyang inaabangan ang crush niyang si Rick. Paggising ay agad niyang hinanap ang binata. Nagkataon naman na agad niya itong nakita na papuntang dalampasigan.
Simula nang malaman niya na galing ito sa kilala at mayamang pamilya lalo na at ito ang magti-take over ng company ay pinangarap na niya na makapangasawa ng gaya nito. Bukod sa mayaman na ay pagkagwapo-gwapo pa.
"I will do everything para mapasaakin ka..." bulong niya sa sarili habang naglalakad papalapit sa kinaroroonan ni Rick. Ang binata naman ay matiyagang naghihintay kay Mika sa tabing-dagat.
"Hey!" gulat na gulat na sabi ng binata nang biglang may pumulupot sa kanyang baywang at yumakap. Sa gulat ng binata ay agad siyang napaharap sa yumakap sa kanya. Lalo pa siyang nagulat nang si
