That day, we met the stylists and also with the wedding coordinator. Hindi talaga ako makapaniwala na halos tapos na lahat ng preparations para sa kasal namin. Panay ang bati at puri sa kanya ng mga staff hanggang sa natapos ang meeting.
Akala ko ay sasama kami sa mga staff para kumain sa labas pero ang sabi ni Elijah ay dito na lang dahil may sarili namang restaurant ang YBSB.
Tahimik na kumain kami doon bago nagpasyang bumalik sa unit niya. Mukhang wala na talaga siyang balak na bumalik sa opisina kaya maya’t-maya ang tunog ng phone niya at halos lahat ng tawag ay mukhang tungkol sa trabaho.
Nasa elevator na kami paakyat sa unit niya nang sumagi sa isip ko ang mga narinig ko kagabi sa resthouse nila sa Tagaytay. Nag-beep ang phone niya para sa isa yatang message kaya nakita kong nakat
