VENICE
FINALLY I am back! Akala ko hindi ko na pakikinabangan ang pagpaparetoke ko ng mukha ko. Hindi ko pagtitiyagaan ang mukhang ito kung hindi kinakailangan. Kung ito lang ang solusyon para makuha ko muli si Daniel ay gagawin ko ang lahat.
Alam ko na kapag nalaman ng mga tao ang ginawa ko lalong-lalo na ni Daniel ay kamumuhian ako. Ano ba ang magagawa nila? Nagmahal lang ako. Nagmahal ako ng isang tao ng higit pa sa sarili ko. Nagmahal ako ng taong kahit kailan ay hindi ako magagawang mahalin pabalik.
Desperada. Tanga. Boba. Kahit ano pang itawag sa akin ay wala na akong pakialam. Kung nakita lang sana ni Daniel ang kahalagahan ko ay hindi sana kami aabot sa ganito. Alam niya kung gaano ko siya kamahal at handa akong ibigay ang lahat sa kaniya pero 'yong Hera na 'yon pa rin ang gust
