Chapter 51
VICTORIA
SIMULA nang ikasal si Venice kay Daniel at doon na manirahan sa mga Buenaventura ay hindi na maalis ang kaba sa dibdib ko. Natatakot ako sa maaaring kahinatnan niya kapag natuklasan nila ang ginawa niya at mas natatakot ako na baka wala na kaming magawa bilang mga magulang niya para tulungan siyang lusutan ito sa pangalawang pagkakataon.
Mabait naman siyang tao pero mali ang naging paniniwala niya sa pagmamahal.
Inakala niyang kapag mahal mo ang isang tao at ginawa mo ang lahat ay mamahalin rin siya pabalik.
Naging normal na lang sa akin ang takot pero nitong mga nakaraang araw ay hindi ako mapakali. Pakiramdam ko ay may hindi magandang mangyayari. Kahit alam kong imposible at darating ang araw na sisingilin rin si Venice sa mga kasalanan na ginawa niya ay nananala
