Inabot niya ang nakasabit na tuwalya at pinunasan ang bibig. Parang mabibiyak sa sobrang sakit ang ulo at naroon ang kagustuhan magduwal ulit. Nasa pinto na siya nang muling mapabalik sa lababo at tuluyang bumaligtad ang sikmura.
Ang ipinagtataka niya ay wala namang lumalabas maliban sa tila tubig tulad ng kapag inaatake siya ng hyperacidity. Yeah, right! Hindi pala siya kumakain ng maayos nitong mga nakaraan dahil wala siyang gana.
Paglabas ng banyo ay napansin ang pag-blink ng ipad kaya dagling nilapitan nang mabasa ang pangalan ng kasintahan. Nagulat pa ito ng makita siya sa ganuong kalagayan.
"You look pale."
Napilitan siyang magsabi ng nararamdaman.
Bumadha ang labis na pag-aalala sa mukha nito. "Go and have yourself check."
"Why not check on me? Nakikita mo naman ako ngay
