"Itinawag mo ba ang pagdating mo?" Tanong ni Andrew na tumanaw sa loob ng madilim na kabahayan.
"Sinabihan ko ang caretaker na maglinis nung isang araw pero hindi ko alam kung may tao ngayon dahil hindi ko naman ipinaalam ang pag-uwi ko."
Hindi ito nagkomento at sa halip ay ibinaba ang gamit niya. Pagpasok sa loob ay nagulat pa siya nang bigla siyang siilin nito ng marubdob na halik na muling agad tinugunan. Kulang na lang ay magkapalit sila ng katauhan dahil sa mahigpit na pagkakayapos nila sa isat-isa.
"I miss you so bad, Stace..." bulong nito nang bahagyang maghiwalay ang mga labi nila. Hindi siya hinihiwalayan ng mga mata nito.
Isang maluwang naman na ngiti ang pinakawalan habang nakatingala rito. Hindi sila nag-abalang buksan ang ilaw at nakuntento sa malamlam na ilaw na naggga
