Flash back ng mga bata pa sila...
Ang dalampasigan ang naging saksi sa halos lahat ng alaala nina Kris Marie Fernandez at Louie David Villareal.
Tuwing hapon matapos ang klase, halos pareho ang direksiyon ng kanilang mga paa. Hindi sila nagkakasundong magkita roon. Natural na lamang na pareho nilang puntahan ang malaking punong akasya sa tabi ng dagat, na tila naging sarili nilang maliit na mundo.
Magkatabing nakaupo sina Louie at Kris sa ilalim ng malaking punong akasya. Humahampas ang malamig na simoy mula sa dagat at nilalaro ang mahahabang hibla ng buhok ni Kris. Sa kanilang harapan, walang sawang sumasalubong ang mga alon sa buhanginan, na para bang may sariling awiting iniaalay sa dalawang musmos na nangangarap.
Sa murang edad, wala pa silang alam tungkol sa komplikadong kahuluga
