FEW MONTHS LATER
"R-Red...! Ayan na...! L-Lalabas na...!" Malakas na hiyaw ni Penelope habang namimilipit sa sobrang sakit. Humawak siya ng mahigpit sa sedura ng pintuan dahil pakiramdam niya kapag hindi niya ginawa 'yon ay para siyang kandila na mauupos.
Dinig yata sa buong baranggay nila ang sigaw niya. Kaya kahit ang mga kapit-bahay niya ay nataranta at nagsilabasan sa bahay ng mga ito. Nagsipuntahan ang mga ito sa gitna ng kalsada at inutusan pa ng ibang nanay na puntahan si Red sa bahay nito para ipaalam na manganganak na siya.
"Magrelax ka lang, 'ne. Papunta na rito si Red. Huminga ka nang malalim," pangaalo sa kanya ng isang concern na senior citizen.
Sinubukan namang gawin 'yon ni Penelope pero napakahirap talaga para sa kanya. Hindi niya maipaliwanag ang nararamdaman ngayon.
