“TATABA talaga ako kung magpapatuloy ang pagluluto mo ng masasarap na pagkain.”
Matamis na ngiti ang naging tugon ni Yllen Stacy kay Eduardo. Hinayaan niyang yakapin siya ng binata habang patungo sila sa sala ng unit nito. Binuksan nito ang TV bago sila umupo sa sofa. She was almost sitting on his lap.
Katatapos lang nilang maghapunan. Pagkatapos ng trabaho nila nang araw na iyon ay nagtungo sila sa grocery. Sumaglit muna si Yllen Stacy sa bahay nila upang kumuha ng damit na kanyang pamalit bago siya nagtungo sa condo unit ng binata. Nagluto siya ng masarap na hapunan. Sinimot nito ang lahat ng kanyang inihanda. Tinulungan din siya nitong magligpit.
“I miss Mama,” halos wala sa loob na nasabi ni Yllen Stacy. Recipe ng kanyang ina ang inihanda niya para kay Eduardo.
“Mahal na mahal mo t
