Hindi na rin nagtagal si Zendrick dito sa bahay dahil kinailangan niya ng umuwi. Hindi niya raw kasi puwedeng iwanan sina Eya at ang mama niya nang ganitong oras, time check it’s almost eleven in the evening. Kuya offered to drive for him since ihahatid niya na rin pauwi si Ate Melisse ngunit tumanggi naman si Zendrick.
“Salamat po dahil pinayagan po ninyo kami ni Anchandra na maging magkarelasyon. Hindi ko po sisirain ang tiwala na ibinigay po ninyo sa’kin,” aniya.
Tinapik ni Dad ang kanyang balikat. “Just don’t break her heart. Ibalik mo lang siya sa amin nang buo.”
Nginitian siya ni Zendrick sabay tango. “Makakaasa po kayo.”
Nilapitan naman siya ni Mommy. “I’m sorry again for what happened awhile ago, hijo. Mag-iingat ka pauwi. You can visit here whenever you want.”
“Naiintindiha
